الذكريات

#1 (**permalink**) 07-13-2008, 04:55 PM

الذكريات اللي حدتني علـى أقصـاي
وغديت منها ضايق البـال والـروح
وأضحت تباريني كما الظـل لخطـاي
وأمسيت أنازعها وانا حيـل مذبـوح
لامن ذكرت اللي له إقبـال وإقفـاي
أشوف نفسي حيل مجبر على البـوح
الجادل اللـي شوفتـه غايـة منـاي
اللي عليه ادلال شعـري لهـا فـوح
اللي نصاني من ورى نجـد غـزاي
واجتاح قلبي ياملا في الهوى جـوح
وسلمتها قلبـي علـى كـف يمنـاي
واوصيتها بالقلـب لاتبعـد الشـوح
وقام وتربع باوسـط القلـب بحمـاي
وفي داخلة اسس مماليـك وصـروح
وغديت انـا ويـاه بايـع وشـراي
ومن بيننا حبـل التكاليـف مطـروح
وحبل المـودة بيننـا شـد وارخـاي
وهو علي يشـد مـن دون مصلـوح
وقد كنت معهم تايه الفكـر والـراي
ولا انتبهت الا بعد صـرت مجـروح
ومعهم عزفت الحان شوقي على الناي
لحنٍ يمر بمسمعـي ويـن مـااروح
ثم ان رحل من دون ماياخذ رضـاي
وأضحيت من فرقاه كاسرني النـوح
واليوم يشكي صاحبـي نـار فرقـاي
واهو السبب فيها وأنا أقـول مبيـوح

ولااطلبك غير انك تراعـي لبلـواي
وانك تسامحني وأنا أقـول مسمـوح
مسموح ياللي ماسمع صوت رجـواي
وبليا خطيه قـال مشكـور ثـم روح
ويالله ياللي سامـعٍ وجـد شكـواي
ياللي حفظت الذكر في محكم اللـوح
انك توفق من شلعني مـن أقصـاي
وأصبحت من فرقاه مجبر على البوح

#2 (**permalink**) 07-15-2008, 03:52 PM

مشكوووووووووووووووووور اخووووووووووووووي

والله مواضيعك دائما مميزة ورائعة

تحياتي

#3 (**permalink**) 07-18-2008, 07:02 PM

مشكوررررررررررررررررررررررررررررررررر

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذكريات

منتدى الشعرو الثرات